Frökenin er komin í frí !!! 

Átti reyndar að vera í fríi í allan dag en var kölluð á námskeið sem hófst á vinnustað kl. 8.30 stundvíslega.  Eftir námskeið þurfti náttúrulega að klára ákveðna hluti og því var unnið áfram til rúmlega 17.00 !!!      Þá kvaddi mín og fór, því búið var að lofa kaffihúsa-hittingi á Skaga sem ekki mátti svíkja.

Ótrúlega gaman að hitta hressar skólasystur frá því í gamla daga :-)  Þetta reunion-dæmi síðan í vor er enn að skila skemmtilegum hittingum. 

En sem sagt;  Það er komið "sumar" ?? - frí !!  Heil vika......  ja,....  reyndar bara 6 dagar núna, heilir 6 dagar þar sem ekkert er skipulagt og allir möguleikar opnir. 

Litla systir tilkynnti að hún væri búin að bjóða þeirri H-eldri út að borða á morgun og sennilega gerum við bara "stelpukvöld" úr dæminu.   Hlakka mikið til  :-D

En í kvöld verður afslappelsi, kannski smá tiltekt og þvottur....... en mest bara hreinræktað afslappelsi  .....  langþráð.

 Bögg

Þetta er þá vinskapur frökenarinnar. 

Fyrsti kommentari, virðist hafa nokkuð gaman af hrakförum hennar og sjá mest eftir því að hafa ekki verið þátttakandi í glæpnum !!  Stjáni minn, ert þú alltaf ný-greiddur og málaður á "glæpamyndunum" þínum???  

Sá/Sú seinni hneykslast  á frökeninni og virðist halda að þetta hafi verið af fullum vilja gert!!!  Þetta minnir mann nú bara á biblíusöguna um faríseann og tollheimtumanninn og þá fleygu setningu, "þakka þér góður guð að ég er ekki eins þessi þarna" (lesist; ... að ég er miklu betri  ... )  

Það skal tekið skýrt fram að frökenin hyggst halda því fram að myndavélin hafi ekki verið með "fulle femm" í vinnunni þennan morgunin því stórkostlegur vafi leikur á því að bíllinn,  og hvað þá með frökenina við stjórn, yfirleitt nái "ólöglegum hraða" við umrædda myndavél.  Þar að auki er frökenin afskaplega meðvituð um "leynilögguna" á þessum stað og passar sig vel, svona alla jafna...... 

Annars er frökenin á þeytingi um þessar mundir.  Vinna í morgun, akstur með atvinnu-umsækjanda til höfuðborgarinnar í eftirmiðdaginn.  Sat alein allt kvöldið í húsi þeira h-eldri því allir aðrir voru uppteknir á tónleikum.  "Frídagurinn" á morgun fer í útréttingar fyrir vinnustaðinn,  staffafund og svo akstur í borgina aftur seinni partinn þar sem boðið er til "frænkukvölds". Mun reyna að halda seinni frídaginn (þriðjudaginn) heilagan og gera eitthvað skemmtilegt bara fyrir mig......    Vill einhver vera memm??? 

Maður sýnir verulegan lit og bloggar tvisvar (nú þrisvar) á örfáum dögum og það er eins og áður,  lífsmarkið lekur úr kommentunum "með det samme"  !!  Ég er nú reyndar ekki alveg að trúa teljaranum....  Hann segir að það séu komnar 55 heimsóknir og klukkan enn ekki orðin 11.00 !!!     Og þegar ég stalst til að kíkja á bloggið í vinnunni í gærkvöldi þá voru komnar yfir 160 heimsóknir....    Ég held að eitthvað sé ekki alveg að virka þarna hjá þeim á centralinu. 

Ók heim eftir miðnætti í gærkvöldi.  Einhver kalla-klúbbur var með kvöldverð hjá okkur.  Mættu ekki fyrr en um 9-leytið til að byrja að borða og...... þvi fór sem fór.   Þeir voru reyndar svakalega prúðir greyin  og ekkert mál að hafa þá í húsi 

Frökenin virðist hafa verið mynduð á of miklum hraða einn morguninn í síðustu viku.   Ég er búin að fá þær fréttir að þó brotið hafi átt sér stað á leið í vinnu,  fer úrvinnslan fram á Hellu eða Hvolsvelli. Skýrslugerðin  fer fram í Stykkishólmi sem síðan sendir greiðsluseðilinn.  Einhver er gjörsamlega að missa sig af vinnugleði í vinnunni í þessu ferli því....  ég var mynduð að morgni þess 11., sektin var komin inn í einkabankann minn að morgni þess 12.  og síðast en ekki síst, hafa þeir sent mér tvo greiðsluseðla!!!!!     Sá fyrri birtist mér strax þann 13. og sá næsti þann 15. ágúst.   Nú bíð ég bara eftir því hvort þeir vilji ekki vera alveg vissir umað ég frétti af þessu afbroti mínu og sendi einn í fullum skrúða á mig.   Ég á þó eftir að fylgja málinu eftir athuga hvort myndavélin hafi ekki líka verið að vinna í yfirgír þennan morgun.  Fylgist með framvindunni eftir helgina

Bögg

Mágkonan hefur áhyggjur af húsakaupum og löngum kommentum.   Hún hefur líka áhyggjur af því hvort hún eigi að koma suður eða hvort ég fari vestur.....  

Ég hef ekki lengur áhyggjur af heitu vatni í sturtunni og eldhúsvaskinum.   Píparinn minn var alveg hættur að svara í símann þegar ég hringdi.  Hann er sennilega í sumarfríi þessi (fyrrverandi) elska....   Nú voru góð ráð dýr, þvi ég var alveg orðin heitavatnslaus of farin að keyra til þeirra H-eldri til að komast í "þrifabað".....  Ég kom mér því upp nýjum pípara í skyndi og þessi elska lét mig ekki bíða í meira en 2 - 3 tíma og þá birtist hann og reddaði leidínni !!!  Nú er ég sem sagt komin með heitt vatn í sturtuna og orðin hrein og þar að auki heitt vatn í eldhúsið og uppvaskið frá......  í bili !!  :-)   Ég hef sem sagt komið mér upp nýjum "handy-man"  og þvílíkur gæðingur ......  

Ég hef samt smá áhyggjur af áframhaldandi tiltekt.......   

Éghef líka smá áhyggjur af sumar/haust fríi.  Ekki það að ég er sko þegar komin með hugsanlegan ferðafélaga (kannski meira að segja í fleirtölu!!!) en það er sosum bara í eina átt, ferðalagið, á ég við....  og gæti hmmmm  orðið kannski pínu dýrt....  en hvað um það málið er í athugun og allir möguleikar skoðaðir.....  Hvert á að fara,  hvenær og hvernig.....?? 

Ég hef líka smá áhyggjur af því að mágkonan hafi áhyggjur af því að ég sé kannski að blogga of oft og mikið fyrir hana til að kommenta!!!   

Ef til vill ætti ég að hafa áhyggjur að það er orðið frekar seint að kvöldi og ég þarf að vakna í vinnu að morgni....  samt ekki fyrr en um hádegið.  

Bögg

Jæja,  loksins, loksins.  Lífsmark í "kommentum" og því kannski tími til kominn að sýna lit.

Mér hefur sýnst að undanförnu að það séu ekki margir sem hafa saknað pistlanna minna.  Bloggakurinn minn hefur verið þvílík eyðimörk í sumar.  Ég hef dottið niður á eina og eina línu sem mér hefur þótt nógu góð til að birta á bloggi en aldrei orðið að því.

Ekki þannig að það hafi ekki verið ýmislegt sem ég hefði viljað kvarta yfir.  Kolefnisjöfnunarkjafæðið í sumar var alveg að drepa mig um tíma.  Dísus...  það væri hægt að skrifa heilu ritgerðirnar um þá vitleysu.

En núna....  staðan er sú að það hefur verið alveg brjálað að gera á hótelinu, brúðkaup, ráðstefnur og jafnvel ein og ein "fræg" persóna  að dúkka upp.  Ég er farin að hallast að því að ég þurfi að fara úr landi til að kúpla niður.   Er einhver þarna úti sem vill gerast ferðafélagi???  Julie vinkona mín í Bretlandi var að stinga upp á að fara til Kýpur í haust.....  Einhverjir sem ég þekki eru sennilega að fara til Berlín í nóvember......  Það mætti líka bara ferðast eitthvað innanlands og þykjast vera erlendis.....

Gekk fram hjá fasteignaskrifstofu í dag og fór að hugsa hvort ég ætti kannski að flytja.  Þá væri allavega ástæða til að fara í gegn um draslið og henda.....  en.....   æ.....  ég kann ofsa vel við eldhúsgluggann minn og tölvugluggann minn líka  .....  veit ekki hvort ég fyndi aðra tvo glugga með sömu tækifærum.....  

Ég held ég haldi mig á mínum stað í bili.....

Bögg